| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 37.19 | Dem. 37.23 (English) | >>Dem. 37.25 |
37.21οὐκοῦν ὡς μὲν ἀφῆκέ με πάντων , ὅτʼ ἐγιγνόμην τῶν ἀνδραπόδων πρατήρ , ἐπέδειξα · ὅτι δʼ οὐκ ἐῶσιν οἱ νόμοι τούτων εἶναι δίκας , ἀκηκόατʼ ἀρτίως ἀναγιγνωσκομένου τοῦ νόμου . ἵνα δʼ , ὦ ἄνδρες Ἀθηναῖοι , μή τις οἴηται τοῖς περὶ τῶν πραγμάτων αὐτῶν δικαίοις ἁλισκόμενόν μʼ ἐπὶ τοῦτʼ ἀποχωρεῖν , καὶ καθʼ ἕκαστον ὧν ἐγκαλεῖ βούλομαι δεῖξαι αὐτὸν ψευδόμενον .
37.22λέγε δʼ αὐτὸ τὸ ἔγκλημα , ὅ μοι δικάζεται .ἐπίσχες . ταυτὶ πάντα , ἃ νῦν ἐγκέκληκεν ἐμοί , πρότερον τὸν Εὔεργον αἰτιασάμενος τὴν δίκην εἷλε . μεμαρτύρηται μὲν δὴ καὶ ἐν ἀρχῇ μοι τοῦ λόγου πρὸς ὑμᾶς ὡς ἀπεδήμουν , ὅτε τούτοις αἱ πρὸς ἀλλήλους ἐγίγνοντο διαφοραί · οὐ μὴν ἀλλὰ καὶ ἐκ τοῦ ἐγκλήματος τούτου δῆλόν ἐστιν . οὐδαμοῦ γὰρ ὡς ἐγώ τι πεποίηκα τούτων ἔγραψεν , ἀλλʼ ὑπογράψας ἐπιβουλεῦσαί με αὑτῷ καὶ τῇ οὐσίᾳ , προστάξαι φησὶ τῷ παιδὶ ταῦτα ποιεῖν , ψευδόμενος · πῶς γὰρ ἐγὼ προσέταξα , ὃς ὅτʼ ἐξέπλεον τῶν γενησομένων ἐνταῦθʼ οὐδʼ ὁτιοῦν δήπουθεν ᾔδειν ;
Ἔγκλημα
ἔβλαψέ με Νικόβουλος ἐπιβουλεύσας ἐμοὶ καὶ τῇ οὐσίᾳ τῇ ἐμῇ ,ἀφελέσθαι κελεύσας Ἀντιγένην τὸν ἑαυτοῦ οἰκέτην τὸ ἀργύριον τοῦ ἐμοῦ οἰκέτου ,ὃ ἔφερεν καταβολὴν τῇ πόλει τοῦ μετάλλου ,ὃ ἐγὼ ἐπριάμην ἐνενήκοντα μνῶν ,καὶ αἴτιος ἐμοὶ γενόμενος ἐγγραφῆναι τὸ διπλοῦν τῷ δημοσίῳ .
37.23
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 37.19 | Dem. 37.23 (English) | >>Dem. 37.25 |
